Amdanom ni

Mae Gofalaeth Aled yn rhan o Ddosbarth Aled o fewn Henaduriaeth Dyffryn Clwyd.  Ceir ynddi bump eglwys Bresbyteraidd: 

• Eglwys Unedig Llansannan
• Tanyfron
• Llannefydd
• Cefnberain
• Soar, Llanfair Talhaiarn

yn ogystal ag un eglwys Annibynnol, sef aelodau Capel Hiraethog, Llansannan sydd yn cydaddoli gyda'r Presbyteriaid yng Nghapel Coffa Henry Rees ac sydd, er y flwyddyn 2000, yn cael eu hadnabod fel Eglwysi Unedig Llansannan.

Daeth ein gweinidog, y Parch Meirion Morris, i'r Ofalaeth wledig hon yn 1991.  Bryd hynny roedd eglwys Betws yn Rhos yn rhan o'r Ofalaeth ac eglwysi Llannefydd a Chefnberain yn Nosbarth Dinbych.  Yn 2001 y ffurfiwyd yr Ofalaeth bresennol sydd â 493 o aelodau a 34 ohonynt yn flaenoriaid neu ddiaconiaid. 

Mae ein gweinidog, Meirion, a'i wraig, Sarah, yn weithgar iawn o fewn yr Ofalaeth ac rydym yn ffodus iawn o'r arweiniad a gawn ganddynt.  Ar hyn o bryd cynhelir, yn wythnosol, Astudiaeth Feiblaidd a Chyfarfod Gweddi i'r Ofalaeth, Cyfarfod i'r Plant yn Llansannan a Llannefydd, a Jangl (sef cinio a sgwrs) i'r rhai hþn yn Llansannan, a phob pythefnos cynhelir C.I.C. (Clwb Ieuenctid Cristnogol) i'r Ofalaeth, Jangl yn Llannefydd, ynghyd ag Astudiaeth Feiblaidd ar gyfer y merched iau yn Llansannan.  Mae'n braf bod nifer dda yn mynychu ac yn gwerthfawrogi yr holl gyfarfodydd rheolaidd hyn.  Ond wrth gwrs, mae croeso i fwy ymuno â ni...!

Cewch wybod mwy am hanes yr Ofalaeth mewn rhannau eraill o'r wefan.  Gobeithio y cewch flas yn pori'r safle.

Os oes gennych unrhyw sylwadau yr hoffech eu cyflwyno, byddem yn falch iawn o glywed gennych.